Janaan

Kyu tum mujhe ab ache lag rahe ho..

Tum toh aaj bhi mujhe satate ho..

Kyu tum mujhe yaad aa rahe ho..

Tum toh har roz daftar jaate ho...

Kyu tum meri musqan ka sabab ban rahe ho..

Tum toh aaj bhi wahi batein kar ke gaye ho...

Kya tum badal rahe ho..

Ya mere jazbaat...

Tumhe toh mohabbat ho chuki thi..

Kya mujhe ho rahi hai...

Kyu tumhare liye mujhe sawarna hai.

Tum toh Roz Ghar aate ho...

Kyu tumhari surkh gulaab mere

Jude ki kashish ban rahe hai...

Tum toh mujhe Roz gulaab lagate ho...

Haa shayad mere jazbaat badal rahe hai

Mohabbat ka toh pata hai..

Tumse uns ho raha hai..

Jo haseen hai...

Aur mujhe acha lag raha hai...

— Hifza